بەپێی هەواڵی کوردپرێس، عەلی ئەکبەر وەرمەقانی له دووهەمین دانیشتنی ئەنجومەنی ڕێکخستنی کاروباری بەساڵاچوانی کوردستان، وتی: ئاوڕدانەوەی تایبەت بەساڵاچوان ئەرکێکی مرۆیی و ئەخلاقیە له سەر شانی هەموومان، و فەرمانگەکان جگە له ئاسانکاری بۆ بەساڵاچوان  دەبێت ڕێزی تایبەتیان لێبگرن.

ناوبراو وتیشی: دەبێت ئەو بەساڵاچوانەی کە لەلایەن هیچ ڕێکخراوەیێکی یاریدەرەوە پاڵپشتی ناکرێن و خانەنشینی هیچ دەزگایێک نین بدۆزرێنەوە تاکوو ئەوانیش خزمەتگوزرای پێویستیان پێ پێشکەش بکرێت.

جێگری سیاسی، ئەمنی و کۆمەڵایەتی پارێزگاری کوردستان هەڵمەتەکانی (ناوەندی فەرزانگان)ی بۆ خزمەت کردنی بەساڵاچوان بەرز نرخاند و زیادی کرد: دەبێت ئاکاری ئەم دامەزراوەیە له شارەکانی سنە، سەقز و قوروە تاوتوێ بکرێت، ئەگەر پەسەند کرا، له شارەکانی دیکەش ڕێگە بۆ چالاکی ئەو دامەزراوەیە خۆش بکرێت.

وەرمەقانی داواشی کرد دانیشتنەکانی ئەنجومەنی تایبەت بە کاروباری بەساڵاچوان بەشێوەیەکی وەرزی درێژەی  پێبدرێت و جەختی کردەوە کە: پەسەند کراوەکانی نێو دانیشتنەکان دەبێت توانای جێبەجێکردنیان هەبێت و بەڕێوەبەری کۆبوونەوەکەیش بۆ چوونە بواری جێبەجێ کردنی پەسەندکراوەکان هەوڵ بدات.