سەرۆكی فەڕەنسا جەخت لە بەشداری کردنی کورد لە پڕۆسەی سیاسی سووریا دەکات
پوختەی هەواڵ
سەرۆكی فەرەنسا دەڵێت پێویستە سەرجەم هێزە سیاسیەکانی سووریا بەشداری لە پڕۆسەی سیاسی ئەو وڵاتەدا بکەن.
بەپێی هەواڵی کوردپرێس، ئێمانوێل ماکرۆن، سەرۆكی فەرەنسا رایگەیاند: پێویستە هێزەكانی سووریای دیموكرات (هەسەدە) لەگەڵ هێزە نیشتیمانییەكانی سووریا تێكەڵ بكرێن كە ئەوە یارمەتیدەر دەبێت بۆ ڕووبەڕووبوونەوەی تیرۆر لە ناوچەكەدا.
ناوبراو وتیشی: "دەبێت هەموو هێزە سیاسییەكان بەشداری لە پرۆسەی سیاسییدا بكرێن و توانای رێزگرتن لە سەرجەم گرووپەكانی سووریا یارمەتیدەرە بۆ بەدەستهێنانی سەقامگیری لە ئەو وڵاتەدا".
سەرۆكی فەرەنسا ئاماژەی بۆ ئەوەش كردوە، پێویستە سەرجەم ئاوارەكانی سووریا بگەڕێنەوە بۆ زێدی خۆیان.
ئەوەش لە کاتێکدایە کە سەرەرای ئامۆژگاری وڵاتانی ئەورووپی و ئەمریکا بۆ بەشدارکردنی کورد لە پڕۆسەی سیاسی سووریا بەڵام بەپێچەوانە هیچ نوێنەرێکی کورد بۆ لێژنەی ئامادەکاری کۆنفڕانسی نیشتمانی سووریا بانگهێشت نەکراوە.
#ڕۆژاوا
#کوردپرێس
#کورد
#کوردستان
#کوردی سووریا
#کوردستانی سووریا
#فەڕەنسا
#رۆژاوا
#ئیمانوئێل ماكرۆن
#لیژنەی ئامادەکاریی کۆنگرەی دیالۆگی نیشتمانیی سووریا
#کۆنفرانسی نیشتمانیی سووریا
#ماکرۆن
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران