بۆ ئاگاداری نووسەران، هاوڕێیان و ئەندامانی خۆشەویست ڕایدەگەیەنین، لە دوای بڵاوکردنەوەی پۆستێڕی فێستیواڵی سەراسەریی چیرۆکی کوردی دۆستانێک هەبوون کە لە دیدارەکان و هەر واتر لە تۆڕە مەجازییەکان پرسیاریان هەبووە کە لەو فێستیواڵە چەند کەس خەڵات دەکرێن و خەڵاتەکان چین؟

لێرەوە وەک بەڕێوەبەرایەتی بنکەی فەرهەنگی هونەری موکریانی مەهاباد و دەبیرخانەی فێستیواڵ بە پێویستمان زانی هێندێک ڕوونکردنەوە بۆ بەرچاوڕوونی نووسەران ئاراستە بکەین.

لە فیستیواڵی سەراسەریی چیرۆکی کوردی بڕیار دراوە ۱۱ کەس خەڵات بکرێن:

- خەڵاتی براوەی یەکەم تا پێنجەم لە ۱۵ میلیۆنەوە دەست پێدەکات تا دەگاتە براوەی پێنجەم کە بڕەکەی ۵ میلیۆن  دەبێت.

- بۆ خەڵاتی  پێنج  کەسی  شەشەم  تا دەهەم   لە گەڵ زانکۆی کوردستان بڕیارمان یەک کردووە کە کۆبەرهەمەکانی مامۆستا هەژاریان پێشکەش بکەین. دیارە ئەوساڵ زانکۆی کوردستان کۆ بەرهەمەکانی مامۆستای لە دوو توێی پەکەیجێک و بە کوالێتی زۆر باش چاپ کردووەتەوە.  بۆ ئەو پێنج براوەی شەشەم تا دەهەم  ئەو خەڵاتە پێشکەش دەکرێ کە نرخی فرۆشەکەی سەرووی ۵ میلیۆنە.

- هەرواتر پێشبینیمان کردووە خەڵاتێکی تایبەتیش تەرخان بکەین بۆ قەڵەمێکی لاو . ئەو نووسەرە لاوەی کە کارێکی ناوازەی ناردبێتە دەبیرخانەی فێستیواڵ، لە لایەن کومیتەی عیلمی هەڵدەبژێردرێ و خەڵاتێکی ۵ میلیۆنی پێشکەش دەکرێ .

-سەرە ڕای ئەو خەڵاتانە، بە هەر ۱۱ کەسەکە تەندیس و ڕێزنامەی فێستیواڵ پێشکەش دەکرێت کە هەموویان بە لۆگۆ و ئیمزای بنکە و زانکۆی کوردستان دەبن.

- جگە لەوانە ئێمە کتێبی کۆبەرهەمی چیرۆکی فێستیواڵیش چاپ دەکەین و ڕەنگە  بیست تا سی چیرۆکی ناردراو بۆ ئەو  ڤێستیواڵە لە کتێبەکەمان دا چاپ بکرێ  و بڕیاری ئەوەشمان داوە، دواتر چیرۆکی هەر کەسێکمان چاپ کرد  نووسخەیەکی بۆ بنێرین.

هیوادارین ئەو دۆستانەی بۆیان پرسیار بوو کە ڕێژەی خەڵاتەکان و بڕەکەی چەندەیە، ئێستا بۆیان ڕوون بووبێتەوە.

هەر پرسیارێکی دیکەش هەبێ  پەیوەندی بە ئەندامانی دەبیرخانەوە بکەن،  بە دڵخۆشییەوە وڵامتان دەدەینەوە.

هەر بژین و بمێنن.

بنکەی فەرهەنگی هونەری موکریانی مەهاباد

دەبیرخانەی فێستیواڵی سەراسەریی چیرۆکی کوردی(مەهاباد ۱۴۰۴)