جیاوازی لە نێوان کۆمەڵگەی کوردی و PKKدا هەیە
پوختەی هەواڵ
بەپێی هەواڵی کوردپرێس، محەمەد جۆلانی ناسراو بە ئەحمەد شەرع سەرۆکی گرووپی تەحریر شام لە راگەیەنراوێکدا ئاماژەی بۆ ئەوە کرد: "حکوومەتی داهاتوو لەڕێگای هەڵبژاردنەوە دەبێت."
ناوبراو وتیشی: "وەزارەتی بەرگری هەموو گرووپەکانی سووریا هەڵدەوەشێنتەوە و هیچ چەکێک لەدەرەوەی دەسەڵاتی دەوڵەتی سووریا نامێنێت".
لەبارەی کوردی سووریاش جەختی کردەوە لەوەی" جیاوازی لە نێوان پێکهاتەی کوردی و پەکەکە دا هەیە".
جۆلانی تایبەت بە هیرشەکانی ئیسرائیل بۆ سەر خاکی سووریا وتی: "ئیسرائیلییەکان بە ڕوونی هێڵەکانی ململانێکانیان لە سووریا بەزاندووە، ئەمەش هەڕەشەی پەرەسەندنێکی ناڕەوا لە ناوچەکە دەکات، ناوبراو دەشڵێت: "ئارگیومێنتەکانی ئیسرائیل لاواز بوون و پاساو بۆ سەرپێچییەکانی ئەم دواییەی نادەن".
محەمەد جۆلانی سەبارەت بە قەوارەی داهاتووی حوکمڕانی لە سووریا دەڵێت: "لێژنە و ئەنجوومەنی پەیوەندیدار بە دووبارە دیراسەکردنی دەستوور پێکدەهێنین و فۆڕمی دەسەڵات لە سووریا بۆ بڕیاری پسپۆڕان و پسپۆڕانی یاسایی جێدەهێڵرێت و خەڵکی سووریاش ئەو کات بڕیاری لەسەر دەدەن".
بۆچوونی بەکارهێنەران