گفتوگۆی تەلەفۆنیی سەرۆک وەزیرانی عێراق و سووریا
پوختەی هەواڵ
سەرۆکایەتیی کۆماری سووریا بڵاویکردەوە، بەشار ئەسەد و محەممەد شیاع سوودانی لەبارەی دۆخی سووریا قسەیان کرد.
بەپێی هەواڵی کوردپرێس، سەرۆکایەتیی کۆماری سووریا لە تۆڕی X بڵاویکردەوە، محەممەد شیاع سوودانی، سەرۆکوەزیرانی عێراق و بەشار ئەسەد، سەرۆکی سووریا پەیوەندییەکی تەلەفۆنیان کرد.
سەرۆکایەتی سووریا رایگەیاند، لەو پەیوەندییە تەلەفۆنییەدا هەردوولا "گفتوگۆیان لەبارەی دوایین گۆڕانکارییەکان و هاوئاهەنگیی هەردوو وڵات بۆ ڕووبەڕووبوونەوەی تیرۆر و کێشەی وڵاتانی عەرەب و نێودەوڵەتی کردەوە."
بەگوێرەی ئەو ڕاگەیێندراوەی سەرۆکایەتی سووریا، سوودانی "ئامادەیی عێراقی بۆ دابین کردنی هەموو پاڵپشتییەکی پێویست بۆ سووریا بۆ ڕووبەڕووبوونەوەی تیرۆر پیشاندا".
سەرۆکوەزیرانی عێراق بەگوێرەی راگەیێندراوەکە: "جەختی لەوە کردەوە؛ وڵاتەکەی پابەندە بە سەقامگیری، سەروەری و یەکگرتوویی سووریا".
بۆچوونی بەکارهێنەران