پاش دوورخستنەوەی نوێنەرەکانیان لە هەولێر، شاندێکی دەم پارتی سەردانی هەرێم دەکات
پوختەی هەواڵ
نوێنەرێکی پارتی دەم لە هەرێمی کوردستان ڕایگەیاند: شاندێکی پارتی دەم سەردانی هەولێر دەکات بە مەبەستی گفتوگۆکردن لەگەڵ پارتی دیموکراتی کوردستان لەبارەی دوورخستنەوەی چەند نوێنەرێکیان لە هەولێر.
بەپێی هەواڵی کوردپرێس، سدقی یاڵڤاج، نوێنەری پارتی دەم لە هەرێمی کوردستان بە کەناڵ8ـی راگەیاند، شاندێکی پارتی دەم کە پێکهاتوون لە بێریتان گونەش، پەرلەمانتاری مێردین و بەدران ئۆزتورک، پەرلەمانتاری دیاربەکر لە کوردستانی تورکیاوە سەردانی هەولێر دەکات.
ئەوەشی خستووەتەڕوو، سەردانی شاندەکە بۆ گفتوگۆکردنە لەگەڵ پارتی دیموکراتی کوردستان لەبارەی دوورخستنەوەی چەند نوێنەرێکی پارتی دەم لە هەولێرەوە بۆ سلێمانی، بەڵام هێشتا پارتی دیموکراتی کوردستان داواکاری سەردانەکەیان پەسەند نەکردووە.
#کوردپرێس
#کورد
#کوردستان
#هەولێر
#سلێمانی
#دەم پارتی
#شاندی دەم پارتی
#سدقی یاڵڤاج
#نوێنەری پارتی دەم لە هەرێمی کوردستان
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران