ئەمریکا و قەوارەی زایۆنی وەڵامێکی توندی ئێران وەردەگرنەوە
پوختەی هەواڵ
بەپێی هەواڵی کوردپرێس، ئایەتۆڵڵا خامنەیی ڕێبەری باڵای کۆماری ئیسلامیی ئێران، ئەمڕۆ شەممە ڕایگەیاند: "ئێران هەموو هەنگاوێکی پێویست دەنێت، بۆ ئامادەکردنی گەلی ئێران بۆ ڕووبەڕووبوونەوەی چاوچنۆکی جیهانی، چ لەسەر ئاستی سەربازی، چ لەسەر ئاستی چەک، یان کاروباری سیاسی بێت".
ڕێبەری باڵای شۆڕشی ئیسلامی وتیشی: "دوژمنان بە ئەمریکا و قەوارەی زایۆنیشەوە وەڵامی توندیان بۆ ئەو کارانە وەردەگرن کە دژی ئێران و بەرخۆدان دەیکەن".
ئایەتۆڵڵا خامنەیی ئەوەشی ڕاگەیاند: "با دوژمنانی ئەمریکا و قەوارەی زایۆنی بزانن کە بە ناچاری وەڵامی توندیان بۆ ئەو کارانە وەردەگرن کە دژی ئێران و بەرەی خۆڕاگری دەیکەن".
ڕێبەری لەبارەی هۆکاری شەڕی ئێران لەگەڵ ئیستیکباری جیهانی وتیشی: بێ گۆمان ئەم ڕووبەڕووبوونەوەیە بەهۆی ئەو پاوانخوازیە زاڵمانەوەیە کە ئیدارەی ئەمریکا بەرامبەر بە میللەتی ئێمە کردوویە".
بۆچوونی بەکارهێنەران