عێراق: بە توندترین شێوە دەستدرێژیی ئیسرائیل بۆ سەر ئێران ئیدانە دەکەین
پوختەی هەواڵ
یەپێی هەواڵی کوردپرێس، باسم عەوادی وتەبێژی حکوومەتی عێراق لە بەیاننامەیەکدا ڕایگهیاندووه، "ئیسرائیل درێژە بە سیاسەتی شەڕەنگێزانە و فراوانکردنی ململانێی ناوچەکە و شێوازی هێرشی ئاشکرای خۆی دەدات، ئەمجارەش دەستدرێژیی کردەسەر کۆماری ئیسلامیی ئێران".
ناوبراو وتووشیهتى: "عێراق پێشتر هۆشداریی دابوو سەبارەت بە لێکەوتە مەترسیدارەکانی دەرئەنجامی بێدەنگیی کۆمەڵگەی نێودەوڵەتی سەبارەت بە هەڵسوکەوتی دڕندانەی ئیسرائیل بەرامبەر گەلەکەمان لە فەڵەستین و هێرشەکانی بۆ سەر لوبنان و سووریا و ئێران".
عهوادى ئهوهشى وتووه: "عێراق بە توندترین شێوە ئەم دەستدرێژییەی ئیسرائیل بۆ سەر ئێران ئیدانە دەکات، هاودەنگی و وەستانی خۆی لەگەڵ کۆماری ئیسلامیی ئێران دووپات دەکاتەوە، هەروەها داوای ئاگربەست لەغەززەو لوبنان دەکات، پشتیوانیی هەنگاوی هەمەلایەنەی ناوچەیی و نێودەوڵەتیش بۆ پشتگیریی سەقامگیریی لە ناوچەکەدا دەکەین".
بۆچوونی بەکارهێنەران