هیچ پەنابەرێک لە هەرێمی کورستانەوە بە ناچاری نەگەڕێنراوەتەوە سووریا
پوختەی هەواڵ
بەپێی هەواڵی کوردپرێس، لە چەند ڕۆژی ڕابردوودا ڕاپۆرتێک بڵاوکرایەوە کە عێراق پەنابەرە سوورییەکانی بەزۆر گەڕاندووەتەوە وڵاتەکەیان، گوایە لە هەرێمی کوردستانیش ئەو حاڵەتە ڕوویداوە.
دیندار زێباری، ڕێکخەری ڕاسپاردە نیودەوڵەتییەکانی حکوومەتی هەرێمی کوردستان لەمبارەوە ڕایگەیاند :" هیچ کەسێک بەزۆر نەگەڕێندراوەتەوە سووریا و هیچ بڕیارێكی حکوومی لەم شێوەیەش لە ئارادا نییە، نەک تەنیا پەنابەران بەڵکوو هیچ ئاوارەیەکی ناوەڕاست و خوارووی عێراق لە هەرێمی کوردستان بە ناچارکردن ڕەوانە نەکراونەتەوە".
لەبارەی مافی نیشتەجێبوونیشەوە دیندار زێباری گوتی: ئەو سەردانیکەرانەی لە ڕێگەی ڤیزەوە سەردانی هەرێمی کوردستان دەکەن بەگوێرەی یاسا و ڕێنماییانەییەکانی کۆمیسیۆنی باڵای پەنابەرانی سەر بە نەتەوە یەکگرتووەکان مامەڵەیان لەگەڵدا دەکرێت و کوردستانیش پابەندە بەهەمان ڕێنماییەکان.
شایانی باسە زیاتر لە 250 هەزار پەنابەری سووری لە هەرێمی کوردستان دا هەن کە لە نێو کەمپ و دەرەوەی کەمپەکان نیشتەجێن.
بۆچوونی بەکارهێنەران