ئەردۆغان: بەڕێز و سوپاسەوە یادی بەڕێز ڕەئیسی دەکەمەوە
پوختەی هەواڵ
بەپێی هەواڵی کوردپرێس، ڕەجەب تەییب ئەردۆغان سەرکۆماری تورکیا بە هۆی شەهید بوونی سەرکۆمار ئیبراهیم ڕەئیسی و حسێن ئەمیر عەبدوڵڵاهیان وەزیری دەرەوە و چەند بەرپرسێکی دیکەی ئێرانەوە، پەیامێکی بڵاو کردەوە.
لە پەیامەکەی سەرکۆماری تورکیادا هاتووە: "لە خودای گەورە هیوای ڕەحمەت بۆ سەرکۆماری کۆماری ئیسلامیی ئێران ئیبراهیم ڕەئیسی دەخوازم کە بە ڕووداوی کەوتنەخوارەوە هێلیکۆپتەرێکدا گیانی لەدەستدا".
ئەردۆغان ڕاشیگەیاندووە: "لە خودای گەورە داوای لێخۆشبوون بۆ کۆچکردوو ڕەئیسی و وەزیری دەرەوەی ئێران و یاوەرانی دەکەم کە لە هەمان هێلیکۆپتەردا بوون".
سەرکۆماری تورکیا وێڕای دەربڕینی هاوخەمی خۆی جەختی لەوەش کردووەیەوە کە، "وەک تورکیا و وەک هەمیشە، لەم ڕۆژەدا سەخت و خەمناکەدا، لە پاڵ وڵاتی دراوسێمان ئێراندا دەبین".
لە پەیامەکەیدا سەرکۆماری تورکیا سەرەخۆشیی لە ڕێبەری باڵای ئێران کردووە و تێدا هاتووە: "وەک هاوتایەکی خۆم کە لە نزیکەوە شایەتی هەوڵەکانی بووم بۆ ئاسایش و سەقامگیری خەڵکی ئێران و ناوچەکەمان، بەڕێز و سوپاسەوە یادی بەڕێز ڕەئیسی دەکەمەوە".
گالەری وێنەکان
بۆچوونی بەکارهێنەران