پاکستان ماتەمینی گشتیی بەبۆنەی شەهید بوونی سەرۆکی ئێران ڕاگەیاند

پوختەی هەواڵ

بەشی جیهان- دوای شەهید بوونی سەرۆک‌کۆماری ئێران و یاوەرانی، پاکستان ماتەمینیی گشتیی ڕاگەیاند.

بەپێی هەواڵی کوردپرێس، محەممەد شەهباز شەریف لە تۆڕی کۆمەڵایەتیی ئێکس پەیامێکی بۆ هاوخەمیی شەهید بوونی ئیبراهیم ڕەئیسی، سەرۆک‌کۆمار و حسێن ئەمیرعەبدوڵڵاهیان، وەزیری دەرەوەی ئێران بڵاو کردووەتەوە و تێیدا یەک رۆژ ماتەمینیی گشتیی لە وڵاتەکەی ڕاگەیاند.

محەممەد شەهباز شەریف دەڵێت: "پاکستان کەمتر لە یەک مانگ لەمەوپێش میوانداریی لە سەرۆک‌کۆمار و حسێن ئەمیرعەبدوڵڵاهیان، وەزیری دەرەوەی ئێران کرد، ئەوان هاوڕێی باشی ئێمە بوون."

سەرۆکوەزیرانی پاکستان گوتیشی، ئەمڕۆ وەکوو ڕێزلێنانێک لە گیانلەدەستدراوانی ڕووداوەکە، ئاڵای وڵاتەکەیان بە نیوە هەڵکراوی دەمێنێتەوە.

#ئێران #کوردپرێس #سەرۆک کۆماری ئێران #وەزیری دەرەوەی ئێران #پاکستان #ئیبراهیم ڕەئیسی #حسێن ئەمیرعەبدوڵڵاهیان #هێلیکۆپتەر #تەبرێز #بەنداوی قیزقەڵاسی #وەرزەقان #محەممەد شەهباز شەریف

زیاتر بخوێنەوە

هەواڵی پێشوو و داهاتوو