میتی تورکیا کوژرانی ڕوکەن زیلان فەرماندەی باڵای پەکەکە ڕادەگەیەنێت

پوختەی هەواڵ

بەشی تورکیا- دەزگای هەواڵگریی تورکیا بڵاوی کردەوە زەینەب سەویم کە ناوی خوازراوی "ڕوکەن زیلان"ە لە فەرماندە باڵاکانی پەکەکە لە باکووری عێراق کوژراوە.

بەپێی هەواڵی کوردپرێس، سەرچاوە ئەمنییەکانی تورکیا ڕایانگەیاند، ئەو فەرماندەیەی پەکەکە کە لە دەوروبەری دهۆک کراوەتە ئامانج، بەرپرس بووە لە دابین کردنی چەک و تەقەمەنی بۆ چەکدارانی پەکەکە.

زەینەب سەویم لە ٢٠١٤ پەیوەندیی بە پارتی کرێکارانی کوردستانەوە کردووە و لە ساڵی ٢٠١٦ لە مەتینا، لە ٢٠١٧ لە گاڕە و ٢٠١٩ لە ئاڤەشین بەرپرسیارێتی دابین کردنی چەک و تەقەمەنی پەکەکەی لە ئەستۆ بووە.

ئانادۆڵۆ ڕایگەیاندووە پێشتر خوشکێکی ڕۆکەن زیلان بە ناوی فاتمە سەویم لە ساڵی ٢٠١٢ لە ئۆپەراسیۆنێکدا لە ناوچەکانی دەوروبەری شارۆچکەی ئوفاجیک سەر بە تونجەلی، گیانی لەدەست داوە.

#کوردپرێس #پەکەکە #دهۆک #پارتی کرێکارانی کوردستان #میتی تورکیا #هەواڵگریی تورکیا #ڕوکەن زیلان #زەینەب سەویم #فاتمە سەویم

زیاتر بخوێنەوە

هەواڵی پێشوو و داهاتوو