بەپێی هەواڵی کوردپرێس، سۆران عومه‌ر له‌باره‌ی دیداره‌که‌ی عه‌لی باپیر سه‌رۆکی کۆمه‌ڵی دادگه‌ری و شاندی حزبه‌که‌ی له‌گه‌ڵ محه‌مه‌د شیاع سوودانی سه‌رۆک وه‌زیران بڵاوی‌کردۆته‌وه‌: "سه‌ردانی سه‌رۆک وه‌زیرانی عێراقمان کرد، داوای مووچه‌خۆران و خه‌ڵکی هه‌رێممان له‌سه‌ر پرسی مووچه‌ پێگه‌یاند، له‌به‌رامبه‌ردا وتی، خۆم به‌به‌رپرسیار ده‌زانم به‌رامبه‌ر هاوڵاتیانی هه‌رێم له‌ هه‌ولێر، سلێمانی، دهۆک و هه‌ڵه‌بجه‌ وه‌ک هاوڵاتیان و مووچه‌خۆرانی به‌سڕه‌ و مووسڵ و پارێزگاکانی دیکه‌ی عێراق".

سۆران عومه‌ر باسی له‌وه‌ش کردووه‌: ده‌رباره‌ی جیاکردنه‌وه‌ی مووچه‌ی فه‌رمانبه‌رانی هه‌رێم له‌ بابەتەکانی تر، سوودانی وتی: "له‌گه‌ڵ ئه‌وه‌ین پرسی مووچه‌ جیا بکرێته‌وه‌، له‌بابه‌ته‌کانی دیکه‌ و بۆ ئه‌و مه‌به‌سته‌ش پشتیوانی هه‌مواری یاسای بوودجه‌ین بۆ ساڵی ۲۰۲۴".

ئه‌و ئه‌ندامه‌ی فراکسیۆنی کۆمه‌ڵی دادگه‌ری له‌ په‌رله‌مانی عێراق ئاشکراشی کردووه‌، بۆ بابه‌تی نه‌وت سه‌رۆک وه‌زیران وتی: "به‌ده‌رچواندنی یاسای نه‌وت و گاز کێشه‌ی نه‌وتی هه‌رێمیش چاره‌سه‌ر ده‌که‌ین".