بەپێی هەواڵی کوردپرێس، سەلاحەدین محەممەد بەهائەدین، ئەمینداری گشتی یەکگرتووی ئیسلامی کوردستان، لەگەڵ ژمارەیەک لە کادری باڵای حیزبەکەی لە شاری سلێمانی کۆبووەوە و رایگەیاند، بەرپرسانی هەرێمی کوردستان خۆیان لەقەیرانەکان بێ ئاگا دەکەن.

ئاماژەی بەوەش کرد،  ئەو بارودۆخەی کە ئێستا هاوڵاتیانی تێکەوتووە جێگای هەڵوێستە لەسەرکردنی جدیە و پێویستە حکوومەتی کاربەڕێکەری هەرێم بەرپرسانە کار لەگەڵ حکومەتی فیدڕاڵی بکات بۆ دۆزینەوەی رێگەچارەیەکی ریشەیی، بەشێوەیەک کە ناکۆکیە سیاسیەکان کار لە مووچە و بژێوی هاوڵاتیانی هەرێم نەکات.

ئەمەش لە کاتێکدایە، لەسەر ئاستی ناوخۆیی و کۆمەڵگای نێودەوڵەتی ناڕەزاییەکی قووڵ لەسەر شێوازی پیادەکردنی دەسەڵات هەیە لە هەرێمی کوردستاندا بەڵام دوو حیزبی دەسەڵات بێباکانە مامەڵە لەگەڵ ئەم دۆخەدا دەکەن و ناڕەزاییەکانی ناوخۆ و ئەمریکا و کۆمەڵگای نێودەوڵەتی پشتگوێ دەخەن.