ڕێككهوتنی باشمان لهگهڵ عێراق ههیه له بواری ههناردهكردنی غاز
پوختەی هەواڵ
بەشی ئێران- وهزیری نهوتی كۆماری ئیسلامی ئێران ڕایگهیاند، ڕێككهوتنی باش لهگهڵ عێراق له بواری ههناردهكردنی غاز و خزمهتگوزاری تهكنیكی و ئهندازیاری ئهنجامدراوه.
بەپێی هەواڵی کوردپرێس، جهواد ئەوجی له پهراوێزی كۆبوونهوهی ئهنجومهنی حكوومهتدا ئاماژهی به ڕێوشوێنهكانی وهزارهتهكهی كرد، له چوارچێوهی لابردنی بڵێسهی غاز له كێڵگه نهوتییهكان كرد و وتی: "خۆشبهختانه توانیمان ڕێوشوێنی باش له بواری لابردنی بڵێسهی غاز بگرینهبهر".
سهبارهت به هاوكاری لهگهڵ عێراق، وهزیری نهوتی ئێران ئاشكرای كرد، "جگه لهڕێكهوتنی نهوتی، ڕێككهوتنی باشمان لهگهڵ عێراق ههیه له بواری ههناردهكردنی غاز، لابردنی مهشخهڵ، خزمهتگوزاری تهكنیكی و ئهندازیاری".
جهواد ئەوجی سهبارهت به كێڵگهی غازی هاوبهشی ئارش، ڕایگهیاند: "له ئێستادا لهگهڵ لایهنه پهیوهندیدارهكان دانوستان لهسهر كێڵگهی غازی ئارش دهكهین".
بۆچوونی بەکارهێنەران