لە پەرلەمانی عێراق ئیمزا بۆ ناردنی مووچەی فەرمانبەرانی هەرێم کۆ دەکرێتەوە
پوختەی هەواڵ
بەشی عێراق و هەرێمی کوردستان- پەرلەمانتارێکی پارتی لە پەرلەمانی عێراق، رایگەیاند، لەنێو هۆڵی پەرلەمانی عێراق، خەریکی کۆکردنەوەی ئیمزاین بۆ چارەسەکردنی کێشەی نەناردنی مووچەی فەرمانبەرانی هەرێم و تا ئێستا ۹۶ ئیمزا کۆ کراوەتەوە.
بەپێی هەواڵی کوردپرێس، سیپان شێروانی، لە راگەیەندراوێکدا وتویەتی: "ئێستا لەنێو هۆڵی پەرلەمانی عێراق لە ژێرچاودێری شاخەوان عەبدوڵا، خەریکی کۆکردنەوەی واژوین بۆئەوەی پەرلەمانی عێراق بەپەلە ڕێکاری پێویست بگرێتەبەر و فشار لە حکوومەتی فیدراڵی بکات بۆ چارەسەری مووچەی فەرمانبەرانی هەرێم کە سێ مانگە نەنێردراوە."
بەپێی قسەی ئەو پەرلەمانتارەی پارتی، سەرجەم فراکسیۆنە کوردییەکان و هەندێک لە فراکسیۆنە عێراقییەکان ئیمزایان کردووە و تا ئێستا ۹۶ ئیمزا کۆ کراونەتەوە.
سیپان شێروانی دڵنیایی داوە بە مووچەخۆرانی هەرێمی کوردستان کە "ئەم دۆخە خراپە بەم شێوازە بەردەوام نابێت".
بۆچوونی بەکارهێنەران