دەوڵەتی تورکیا بەرپرسە لە کوشتنی ۳۴ کەس لە عەلەویەکانی سێواس
پوختەی هەواڵ
بەشی تورکیا- هاوسەرۆکایەتی دەستەی بەڕێووەبەری کەجەکە بە بۆنەی ٣٠یەمین ساڵیادی کۆمەڵکوژی سێواس راگەیەندراوێکی بڵاو کردەوە.
بەپێی هەواڵی کوردپرێس، KCK لە راگەیەندراوەکەیدا باسی لەوە کردووە کە "دەوڵەتی تورکیا، دوژمنی هەموو گەلان بە تایبەتی کورد و عەلەویە و دەیەوێت لەناویان ببات و رایگەیاند کە کۆمەڵکوژی سێواسیش بەو ئامانجە ئەنجام دراوە".
کەجەکە لە بەشێکی دیکەی راگەیەندراوەکەیدا باسی لەوە کردووە کە هێزەکانی ئازادی و دیموکراسی دەبێت بە دەوری بناغەکانی ژیان و تێکۆشانی دیموکراتیک زیاتر یەکبگرن و راشیگەیاندووە: "مرۆڤ تەنیا بەو جۆرە دەتوانێت کۆتایی بە سیستمی قڕکەر بهێنێت. شەهیدانی کۆمەڵکوژی سێواس کە بە شێوەی دڕندانە و بێ ویژدانانە تیرۆر کران، بە رێزەوە یاد دەکەینەوە".
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران