پارتی دیموکرات دەستپێشخەرییەکەی مەسعوود بارزانیی شکاند

پوختەی هەواڵ

بەشی عێراق و هەرێمی کوردستان- سەرۆکی فراکسیۆنی یەکێتی لە پەرلەمانی کوردستان رایگەیاند: "ئەو دەستپێشخەرییەی کە کاک مەسعوود ڕایگەیاند، لەلایەن حزبەکەی خۆیەوە شکێنرا کە تەماننامان دەکرد وا نەبوایە".

بەپێی هەواڵی کوردپرێس، زیاد جەبار سەرۆکی فراکسیۆنی یەکێتیی نیشتمانیی کوردستان لە پەرلەمانی کوردستان، لە کۆنگرەیەکی رۆژنامەوانیدا رایگەیاند: "وەک یەکەم لایەن کە بەدەم موبادەرەکەی کاک مەسعوودەوە چووین ئێمە بووین وەک یەکێتیی نیشتمانیی کوردستان".

ناوبراو وتیشی: "ئەو موبادەرەیەی کاک مەسعوود لەلایەن خودی حزبەکەی خۆیەوە شکێنرا، پاش ئەوەی ئێمە هەرزوو چووین بە دەمیەوە لەبەرئەوەی پێمانوایە یەکڕیزی لە هەموو شتێک لەپێشترە".

شایانی باسە پێشتر مەسعوود بارزانی، سەرۆکی پارتی دیموکراتی کوردستان دەستپێشخەرییەکی کرد بۆ لایەنەکان کە کۆ ببنەوە چارەسەری کێشەکان بکەن.

#پارتی دیموکراتی کوردستان #یەکێتیی نیشتمانیی کوردستان #پەرلەمانی کوردستان #مەسعوود بارزانی #فراکسیۆنی یەکێتی #زیاد جەبار

زیاتر بخوێنەوە

هەواڵی پێشوو و داهاتوو