هێزەکانی سووریای دیموکرات دوو چەکداری داعشیان لە حەسەکە دەستگیر کرد
پوختەی هەواڵ
بەشی سووریا- هێزەکانی سووریای دیموکرات سەرپەرشتی ئۆپەراسیۆنێکیان لە حەسەکە کردووە کە لە ئەنجامدا دوو ئەندامی رێکخراوی داعش دەستگیر کران.
بەپێی هەواڵی کوردپرێس، لە بەیاننامەیەکدا، ئۆپەراسیۆنە هاوبەشەکان ڕایدەگەیەنن، هەسەدە، لە 30ی نیساندا سەرپەرشتی ئۆپەراسیۆنێکی کردووە و هەڵیانکوتاوەتە سەر دوو قاچاخچیی داعش لە حەسەکە و لە ئەنجامدا ئەو دوو ڤاچاخچییە دەستگیرکران.
ئاماژەی بەوەش کرد، هەسەدە بە هاوکاری هێزەکانی هاوپەیمانان پلانی دەستگیرکردنی سەعید حسێن و عەلی محەمەد غانمی دانابوو، ئامانجی ئەو ئۆپەراسیۆنە لەپێناو سەقامگیری ناو کەمپی هۆڵە.
لە کۆتایی بەیاننامەکەدا، هێزە هاوبەشەکان ئاماژەیان بەوەدا کە هێزەکانی هاوپەیمانان پابەندن بە ڕاوێژکردن و هاوکاری کردن و بەهێزکردنی هاوبەشەکانیان لە پێناو پاراستنی ئاسایش و سەقامگیری ناوچەکە.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران