بەپێی هەواڵی کوردپرێس، دەوڵەتی ئەمەریکا لە ئاکتەبری 2019دا هێزەکانی خۆی لە باکووری سووریا کشایەوە و تورکیا لە هەڵمەتێکی سەربازیدا چەند بەشی گرینگ لە ناوچەی ژێر کونترۆی کوردەکانی سووریای داگیر کرد.

ڕۆژنامەی کریستیەن ساینس مانیتۆر لە ڕاپۆرتێکدا باسی هەڵویستی کاندیدەکانی سەرۆک کۆماری لە ئەمەریکا کردووە لەبارەی پرسە جیهانییەکان. گۆڤارەکە جەخت دەکاتەوە کە دۆناڵد ترەمپ هاوپەیمانەکانی ئەمەریکای نیگەران کردووە. لە ڕاپۆرتەکەی ئەم گۆڤارەدا جەخت کراوەتەوە دۆناڵد ترەمپ پشتی لە کوردانی سووریا کرد و ڕێگای بۆ هێرشی تورکیا خۆش کرد ئەمەش زەبرێکی کوشندەی داوە لە پەیوەندییەکانی ئەمەریکا لەگەڵ هاوپەیمانەکانیدا.

کریستیەن ساینس مانیتۆر ڕایدەگەیێنێت کە کوردەکان یەکێک لە گرینگترین هاوپەیمانەکانی ئەمەریکا لە سووریا بوون بەڵام هەوڵەکەی ترەمپ هەوڵێکی هەڵە بوو و زەبری لە پەیوەندیی ئەمریکا لەگەڵ هاوپەیمانەکانی وەشاند.

هەروەها ڕۆژنامەی گاردیەن هەڵەکەی ئەمەریکا بە کوشندە وەسف دەکات و دەنووسێت: بڕیاری ترەمپ بۆ کشانەوەی هێزەکانی ئەمەریکا لە سووریا ئەوندە لەناکاو بوو کە بووە هۆی سەرسوڕمانی بەریتانیا وەکوو هاوپەیمانێکی کوردەکان، چوونکە ترەمپ بۆ بڕیاری کشانەوەی هێزەکانی وڵاتەکەی لە باکووری سووریا حکوومەتی بەریتانیا و ناوەندە ئەمنییەکانی ئاگاردار نەکردبووەوە.

ڕۆژنامەی نیویۆرک تایمز-یش لە ڕاپۆرتێکدا کە لەبارەی هەڵویستی کاندیدی دیموکراتەکان و کۆماریخوازەکانی ئەمریکا لەبارەی کوردەوە بڵاوی کردۆتەوە جەختی کردۆتەوە هەڵویستی جۆبایدن لە بارەی کوردەکانەوە بەتایبەت کوردەکانی عێراق سازێنەر نییە.

کۆدی هەواڵنێر: 60113