بەپێی هەواڵی کوردپرێس، پاش پەیوەندییە تەلەفۆنییەکە مەسروور بارزانی، سەرۆكی حكوومەتی هەرێمی كوردستان لە تویتێكدا ڕای گەیاند: خۆشحاڵ بووم کە لەگەڵ جەیمز کلێڤەرلی گفتوگۆم کرد. پەیوەندییەکانی نێوان کوردستان و بەریتانیا وەک هەمیشە زۆر گرنگن.

هاوكات پێشوازی لە پشتیوانییەکانی بەریتانیا كرد لە گەیشتنی حكوومەتی هەرێمی كوردستان بە ڕێککەوتنێکی کۆتایی لەگەڵ حکوومەتی عێراقی فیدڕاڵ، کە پێویستە لە سەر بناغەی ڕێزگرتن لە یەکتر و بە پێی دەستوور بێت.

لە لایەن خۆشیەوە جەیمز كلێڤەرلی، لە تویتێكدا رای گەیاند: پەیوەندییێکی بەهێز لە نێوان حکوومەتی عێراق و حکوومەتی هەرێمی کوردستان زۆر گرنگە بۆ دڵنیا بوونەوە لە سەقامگیرییێکی درێژخایەن لە ناوچەکە.

هەروەها نووسیویەتی: هەر ئێستا قسەم لەگەڵ مەسروور بارزانی، سەرۆکی حکوومەتی هەرێمی کوردستان کرد و هاوڕا بووین بۆ کاری هاوبەش بە مەبەستی گەشتن بەم ئامانجەی سەرەوە.

کۆدی هەواڵنێر: 60113