پزیشکانی سلێمانی مانگرتنیان ڕاگەیاند
پوختەی هەواڵ
بەشی عێراق و هەرێمی کوردستان- بەیانیی ئەمڕۆ 10ی ئاب، پزیشکانی سلێمانی دژی پێنەدانی مووچە مانگرتنیان ڕاگەیاند و نەخۆش نابینن.
کوردپرێس: لە ڕاگەیەندراوێکدا پزیشکانی سلێمانی ئاماژە بۆ ئەوە دەکەن "ئەمڕۆ لە کاتژمێر ٨:٠٠ بەیانییەوە بڕیار درا بە بایكۆت كردنی دەوامی پزیشكانی پایە بڵند و پلە بەند و نیشتەجێی خولا و ساڵی یەكەم و دووەم لەسەرجەم نەخۆشخانە فریاكەتنەكانی ناو شاری سلێمانی و دەوروبەری و ئیدارەكانی هەڵەبجە و گەرمیان و ڕاپەڕین".
لە ڕاگەیەندراوەکەدا جەخت لەسەر ئەوە دەکەنەوە، کە هەتا شایستە داراییەكانی مانگی ٣ ی ٢٠٢٠ وەر ئەگیرێت مانگرتنەکە درێژەی دەبێت.
سپی میدیا لەمبارەوە ڕایگەیاند: "مانگرتنی پزیشکان دواى ئەوە دێت، نزیکەى ٥٠ رۆژە پزیشکان و کارمەندانى تەندروستى مووچەیان وەرنەگرتووە، لە کاتێکدا دەبوو هەر ٣٠ رۆژ جارێک مووچەیان پێبدرێت".
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران