کوردپرێس: بەپێی ڕاگەیەندراوێک کە لەلایەن لیژنەی باڵای تەندروستی و سەلامەتی عێراقەوە بڵاوکرایەوە بڕیاردرا مۆڵەکان بکرێنەوە، لەگەڵ پابەندبوون بە مەرجەکانی تەندروستی، وێڕای کەم کردنەوەی قەدەغەکردنی هاتووچۆ کە لە نۆ و نیوی شەوەوە، تا شەشی بەیانی دەبێت، لەگەڵ ئەمانەشدا بڕیارداوە بە تەواوەتی لە دوای جەژنی قوربانەوە قەدەغەکردنی هاتووچۆ هەڵبگیرێت.

هەر لە ڕاگەیەندراوەکەدا هاتووە بڕیاردرا لە 23ی ئەم مانگەوە فڕۆکەخانەکان بکرێنەوە و دەروازەی مەرزەکانی مونزيریە و سەفوان و شیبیش، بەڕووی ئاڵۆگۆڕی بازرگانیدا بکرێنەوە.

پێشتر لیژنەی باڵای ڕاگەیاندن و پەیوەندییەکان، داوای لە میدیاکان کردبوو، هەلمەتەکانی هۆشیارکردنەوە و پابەندبوون بە ڕێکارەکانی خۆپارێزی و بیرۆکەی پێکەوەژیان لەگەڵ پەتاى کۆرۆنا، چڕبکەنەوە.

کۆدی هەواڵنێر: 60113