ئاماری تووشبووانی کۆرۆنا لە عێراق 86 هەزاری تێپەڕاند
پوختەی هەواڵ
بەشی عێراق و هەرێمی کوردستان- تەندروستی عێراق بڵاوی کردەوە، دوو هەزار و 281 حاڵەتی نوێی ڤایرۆسی کۆرۆنا لە ماوەی 24 کاتژمێری رابردوو تۆمار کراون.
بەپێی هەواڵی کوردپرێس، وەزارەتی تەندروستیی عێراق نوێترین ئاماری کۆرۆنای لەو وڵاتە بڵاو کردەوە و ڕایگەیاند لە ماوەی 24 کاتژمێر، 90 کەس بەهۆی کۆرۆنا گیانیان لەدەست داوە، کە 25 لەوان دانیشتووی بەغدان، 12 لەوان خەڵکی سلێمانین و حەوت کەسیشیان خەڵکی بەسرەن، بەمەش ئەم سێ پارێزگایە زۆرترین گیان لەدەستدانیان تێدا تۆمار کراوە.
بەمەش 86 هەزار و 148 کەس لە عێراق تووشی کۆرۆنا بوون، لەو ژمارەیەش 54 هەزار و 316 کەس چاکبوونەتەوە و سێ هەزار و 522 کەسیش گیانیان لەدەست داوە.
کۆدی هەواڵنێر: 60113
بۆچوونی بەکارهێنەران