دوایین ئامارەکانی تووشبوون بە کۆرۆنا لە هەرێمی کوردستان
پوختەی هەواڵ
بەشی عێراق و هەرێمی کوردستان- وەزارەتی تەندروستیی هەرێم لە ڕاگەیەنراوێكدا ئاشكرای كرد، یەك تووشبووی نوێی ڤایرۆسی كۆرۆنای نوێ COVID-19 لە پارێزگای سلێمانی دەستنیشان كرا و بەوەش حاڵەتەکانی تووشبوون بە کۆرۆنا گەیشتە 331 حاڵەت.
کوردپرێس:
وەزارەتی تەندروستیی هەرێم لە ڕاگەیەنراوێكدا دوایین ئاماری تووشبووانی کۆرۆنای ئاشکرا کرد و ڕایگەیاند لە ماوەی 24 کاتژمێری ڕابردوودا، تووشبوونی پیاوێكی تەمەن 65 ساڵی دانیشتووی شارۆچكەی دەربەندیخان وەک بەركەوتەی تووشبووی پێشوو تۆمار کراوە.
لە ڕاگەیێندراوەکەی وەزارەتی تەندروستیدا نووسراوە: لە بەردەوامیی پشكنینەكان و گەڕان بەدوای گومانلێكراوان، یەك تووشبووی نوێ ی ڤایرۆسی كۆڕۆنای نوێ COVID-19 لە پارێزگای سلێمانی دەستنیشانكرا، پیاوێكی تەمەن 65 ساڵە دانیشتووی قەزای دەربەندیخانە و بەركەوتەی تووشبووی پێشووە.
بە زیادبوونی ئەم یەک حاڵەتە نوێیە کۆی تووشبووانی کۆرۆنا لە هەرێم گەیشتە 331 کەس.
کۆدی هەواڵنێر: 60101
بۆچوونی بەکارهێنەران