کوردپرێس:

یاسین مەحموود ڕەشید، سەرۆكی یەكێتیی وەبەرهێنەرانی كوردستان لقی سلێمانی وتوویەتی، هەرێمی كوردستان هاوشێوەی وڵاتانی دیكە زیانی بەردەكەوێت و بە هۆی ئەو ڤایرۆسەوە زیانەكانی زیاتر 3 ملیار دۆلار دەبێت، ئەمە جگە لەوەی كاریگەرییەكەی بۆ ماوەیێكی درێژ بەردەوامیی دەبێت.

ناوبراو ڕاشیگەیاندووە، بەهۆی ڤایرۆسی كۆرۆناوە تا 25 ساڵی دیكە بەندە پێشبینی دەكەم كاریگەری ئابووری لە سەر وڵاتانی زلهێز بمێنێتەوە وەك ئەمریكاو ڕووسیا و چین، ئومێد دەكەم زیانەكانی بۆ هەرێم لەوە زیاتر نەبێت.

سەرۆكی یەكێتیی وەبەرهێنەرانی كوردستان لقی سلێمانی، ئاشكراشی كردووە، ئەگەر ئەم پەتایە تا چەند مانگی داهاتوو بەردەوامیی هەبێت دەبێت خۆمان بۆ پێشهاتێكی چاوەڕواننەكراو ئامادە بكەین، كە لە ڕووی ئابووریەوە ڕوو لە هەموو وڵاتانی جیهان و هەرێمەكەمان دەكات .

*لە تۆڕی میدیاییی خەڵک وەرگیراوە

کۆدی هەواڵنێر: 60101