کۆرۆنا گەیشتە تورکیا
پوختەی هەواڵ
بەشی عێراق و هەرێمی کوردستان- وەزیری تەندروستیی تورکیا ڕایگەیاند هاووڵاتییێکیان کە بە گومانی تووشبوون بە ڤایرۆسی کۆرۆنا گوێزرابوویە نەخۆشخانە ئەنجامی پشکنینەکەی پۆزەتیڤ بووە و دەرکەوتووە هەڵگری ڤایرۆسەکەیە.
کوردپرێس:
ڕۆژی چوارشەممە ۱۱ی ئاداری ۲۰۲۰ فەخرەدین کۆجا وەزیری تەندروستیی تورکیا لە کۆنگرەیەکی رۆژنامەڤانیدا هەواڵی تووشبوونی هاووڵاتییێکیانی بە کۆرۆناڤایرۆس راگەیاند و ئاماژەی بەوە کرد کە نەخۆشەکە کوڕێکە و تەندروستی جێگیرە و ڕاستەوخۆ کەرەنتینە کراوە.
وەزیری تەندروستیی تورکیا گوتیشی: ئەندامانی خێزانەکەی ئەو تووشبووە کەرەنتین کراون و خراونەتە ژێر چاودێرییەوە.
هەروەها وەزارەتی تەندروستیی تورکیا ئاماژەی بەوە نەکردووە تووشبووەکە لە چ شارێکە بەڵام دەڵێت بەم دواییانە سەردانی ئەورووپای کردووە.
وەزارەتی تەندروستیی تورکیا داوا لە هاووڵاتییانیان دەکات کە گەشتکردن بۆ دەرەوەی تورکیا ڕابگرن و لە کاتی زۆر پێویستدا نەبێت گەشت نەکەن.
کۆدی هەواڵنێر: ٦۰۱۰۳
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران