بەهێزترین پیاوی کەمئەندامی جیهان گیانی لە دەست دا
پوختەی هەواڵ
بەشی ئازەربایجانی خۆرئاوا- سیامەند ڕەحمان بەهێزترین پیاوی کەمئەندامی جیهان کە هاووڵاتیی کوردی ئێرانی بوو گیانی لە دەست دا.
کوردپرێس:
ڕۆژی یەکشەمە 11ی ڕەشەمەی 1398ی هەتاوی ڕەحیم تەیمووری بەڕێوەبەری دایرەی وەرزش و لاوانی پارێزگای ئازەربایجانی خۆرئاوا لە لێدوانێکدا ڕایگەیاند پاشنیوەڕۆی ئەمڕۆ سیامەند ڕەحمان لە ماڵی خۆیدا دڵی لە لێدان دەکەوێت و بە داخەوە تەقالای تیمی پزیشکی سوودی نابێت و بەهێزترین پیاوە کەمئەندامی جیهان گیانی لە دەست دەدات.
سیامەند ڕەحمانی هاووڵاتییێکی کوردی خەڵکی شاری شنۆی سەر بە پارێزگای ئازەربایجانی ڕۆژئاوا بوو. ساڵی 1367 بەرانبەر بە 1988 لە دایک بووبوو و لە ڕکابەرییەکانی پارائولەمپیکی ساڵی 2016دا کێشی 310 کیلۆی بردە سەر سەر و نازناوی بەهێزترین پیاوی کەمئەندامی جیهانی مسۆگەر کرد.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران