بەپێی هەواڵی کوردپرێس، گوتەبێژی کۆشکی سپی، جود دیر راگەیەندراوێکی لەبارەی پەیوەندییە تەلەفۆنییەکەی ئەردۆغان و ترەمپ بڵاوکردەوە و لە راگەیەندراوەکەدا ئاماژە بەوە کراوە کە ئەردۆغان و ترەمپ پەیوەندییێکی تەلەفۆنیان ئەنجام داوە و لە میانیدا باسی پەیوەندییەکانی نێوان ئەمەریکا و تورکیا کراوە.

لە راگەیەندراوەکەدا ھاتووە: "ترەمپ، جەختی کردووە لە رێگری کردن لە روودانی کارەساتی مرۆیی و کەم کردنەوەی شەڕ و پێکدادانەکان لە ئیدلیب.

ھەروەھا بەپێی ئەو راگەیەندراوەی لە فەرمانگەی پەیوەندییەکان سەربە سەرۆکایەتی کۆماری تورکیا بڵاوکراوەتەوە، لە میانی پەیوەندییە تەلەفۆنییەکەی نێوان ئەردۆغان و ترەمپ، تاوتوێی پرسەکانی دووقۆڵی و دواپێشھاتەکانی ئیدلب و پرسەکانی ناوچەکە کراوە.

سەرکۆماری تورکیا، رەجەب تەیب ئەردۆغان لە میانی پەیوەندییە تەلەفۆنییەکەیدا لەگەڵ سەرۆکی ئەمریکا، دۆناڵد ترەمپ جەختی لە پێداگری تورکیا لە کشانەوەی ھێزەکانی سووریا لەو ناوچانەی ئیدلب کردەوە.

کۆدی هەواڵنێر: 60113