بەپێی هەواڵی کوردپرێس، ڕەجەب تەییب ئەردۆغان سەرۆک کۆماری تورکیا بەتوندی ڕەخنەی لە چۆنیەتیی بەڕێوەبردنی کۆنگرەی چوارەمی پارتی دیموکراتیکی گەلان (هەدەپە) و بەرز کردنەوەی وێنەکانی عەبدوڵڵا ئۆجەلان ڕێبەری زیندانی کراوی پەکەکە لەو کۆنگرەیەدا گرت و ڕایگەیاند: بەردەوام خەریکی گۆڕانی سەرۆکانی خۆیانن. یەکێک دەڕوات و کەسێکی دیکە دێت. هێشتا کۆتایی پێنەهاتووە... چوونکە پڕۆسەی دادگایی کردنی ئەمانە لە داهاتوودا چڕ دەبێتەوە.

ئەردۆغان وتیشی پەڕاوی نوێ دژ بە هەدەپە دەتوانرێت بکرێتەوە هەموو شتێک ڕوون و ئاشکرایە، هەر کارێک ئەوان دەیکەن تاوانێکی ئاشکرایە.

بەگوێرەی ڕۆژنامەی جمهووریەت سەرۆک کۆماری تورکیا لەدرێژەی وتەکانیدا وتیشی: لە کۆتایی هەفتەدا کۆنگریێک لە ئەنقەرە بەڕێوەچوو لە کۆتاییدا وێنەی سەرکردەی گرووپی تیرۆریستییان خستە سەر شاشە؛ 13 کەس لەمبارەوە دەستگیر کراون و پڕۆسەی تۆمار کردنی سکاڵای یاسایی دژ بە ئەندامانی هەدەپە درێژەی هەیە.

ئەردۆغان هەدەپەی کردە بەردەنگ و ڕایگەیاند: ئەگەر ئێوە بەگوێرەی یاساکانی حکوومەت لە تورکیا ڕەفتار نەکەن کارێک دەکەن کە چیدی ئێوە سەر بۆ یاساکان دابنەوێنن.

کۆدی هەواڵنێر: 60113