جادەی 367 گوندی پارێزگای کوردستان بە هۆی بارینی بەفرەوە داخراوە
پوختەی هەواڵ
بەشی کوردستان- جێگری ئیدارەی ڕێگاوبانی پارێزگای کوردستان ڕایگەیاند ڕێگای 367 گوندی پارێزگای کوردستان بەهۆی بارینی بەفری قورس داخراوە و هەوڵەکان بۆ کردنەوەی جادەی ئەو گوندانە بەردەوامە.
کوردپرێس:
ڕامبود نەوزەری جێگری ئیدارەی جادەوبانی پارێزگای کوردستان لە لێدوانێکدا ئاماژەی بە بەفربارینی ئەم دواییە لە پارێزگای کوردستان کرد و گوتیشی 367 گوندی پارێزگاکە بە بۆنەی بەفربارینەوە جادەکانیان داخراوە و تیمەکانی ئەوان بەردەوامن لە کارکردن بۆ کردنەوەی جادەی پێوەندیی گوندەکان.
نەوزەری گوتیشی تیمەکانی ئیدارەی جادەوبان لە 34 میحوەرەوە چالاکن و تا ئێستا 9 هەزار و 181 کیلۆمەتر لە جادەکان پاک کراونەتەوە.
ناوبراو ئەوەشی زیاد کرد جادەی 332 گوند کراوەتەوە بەڵام تا ئەم کاتەش 367 گوند جادەی پێوەندییان داخراوە و کارکردن بۆ کردنەوەی جادەکان بەردەوامە.
بۆچوونی بەکارهێنەران