پووتین: ڕووسیا بەردەوام پشتگیریی لە سەروەریی عێراق کردووە
پوختەی هەواڵ
بەشی عێراق و هەرێمی کوردستان- سەرۆک کۆماری ڕووسیا جەخت دەکاتەوە کە وڵاتەکەی بەردەوام پشتگیریی سەروەریی عێراقی کردووە و هاوکاریشی دەکات لە چارەسەر کردنی کێشەکانیدا.
بەپێی هەواڵی کوردپرێس، وەازەتی دەرەوی عێراق لە بەیاننامەیێکدا ڕایگەیاند عەبدولڕەحمان حامد حسێنی باڵیۆزی نوێی عێراق لە ڕووسیا ڕۆژی چوارشەممە کارنامەی باڵیۆزیی خۆی ڕادەستی ڤلادیمیر پووتین سەرۆک کۆماری ڕووسیا کرد.
بەگوێرەی بەیاننامەکە پووتین پاش وەرگرتنی کارنامەی باڵیۆزیی لە نێردەی نوێی عێراق لە ڕووسیا لە وتەکانیدا باسی پێوەندییەکانی نێوان هەردوو وڵاتی کرد و جەختی کردەوە کە مۆسکۆ و بەغدا ئەزموونێکی باشیان لە هاوکاری کردن لە بوارە جیاجیاکاندا لەوان سووتەمەنی و وزەدا هەیە.
سەرۆک کۆماری ڕووسیا هەروەها وەبیری هێنایەوە کە وڵاتەکەی بەشێوەی بەردەوام پشتیوانی لە سەروەریی و ئاسایشی عێراق دەکات.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران