بەپێی هەواڵی کوردپرێس، بەدران چیا کورد، راوێژکاری خۆبەڕێوەبەریی دیموکراتیکی باکوور و رۆژهەڵاتی سووریا لە وتەکانیدا ئاماژەی بە پڕۆسەی دانوستانەکانی نێوان بەڕێوەبەرایەتی خۆسەر و حکوومەتی ناوەندی سووریا دەکات و دەڵێت: ڕووسیە کۆبوونەوەی لەگەڵ ئێمە و حکوومەتی سووریا ئەنجام داوە و تێڕوانینی هەردوو لایەنەکەی تاوتوێ کردووە. هەوڵەکانی ڕووسیا بۆ دامەزراندنی ژێرخانێک بەمەبەستی دانوستانی ڕاستەوخۆ لە نێوان ئێمە و حکوومەتی ناوەندیی سووریا بەردەوامەن.

بەدران چیا کورد دەڵێت: بەڵام هەوڵەکانی ڕووسیا بۆ دانوستانی ڕاستەوخۆ لەنێوان بەڕێوەبەریی خۆسەر و حکوومەتی ناوەندیی سووریا سەرکەوتوو نەبووە.

راوێژکاری خۆبەڕێوەبەریی دیموکراتیکی باکوور و رۆژهەڵاتی سووریا هەروەها بە هاوارنیووزی وتووە: پاش ئەوەی کە ئۆپەراسیۆنەکانی تورکیا لە باکوور و ڕۆژهەڵاتی سووریا دەستی پێکرد ڕووسیا ڕۆڵێکی بەرچاوی بۆ دەست پێکرنی دانوستانی ڕاستەوخۆ لەنێوان ئێمە و حکوومەتی سووریا دەست پێکردووە. ئەم هەوڵانەش تا ئێستا درێژەی هەیە بەڵام پەیوەندیێکی ڕاستەوخۆمان نەبووە.

کۆدی هەواڵنێر: 60113