مەسروور بارزانی و یاریدەدەری وەزیری دەرەوەی ئەمەریکا کۆ بوونەوە
پوختەی هەواڵ
بەشی عێراق و هەرێمی کوردستان- ئەمڕۆ پێنجشەممە 2020/1/9 مەسروور بارزانی، سەرۆکی حکوومەتی هەرێمی کوردستان پێشوازیی لە دەیڤد شنکەر یاریدەدەری وەزیری دەرەوەی ئەمەریکا بۆ کاروباری رۆژهەڵاتی نزيک کرد و چەند پرسێکی ئێستای ناوچەکەیان تاوتوێ کرد.
کوردپرێس: لە دیدارەکەدا کە ستیڤن فەیگن کونسوڵی گشتیی ئەمەریکا لە هەولێر ئامادە بوو، دوا پەرەسەندنەکانی عێراق و ناوچەکە تاوتوێ کرا.
سەرۆکی حکوومەتی هەرێمی کوردستان نیگەرانیی خۆی لە گرژبوونی بارودۆخی ناوچەکە لە ئەنجامی رووداوەکانی ئەمدواییە دەربڕی و جەختیشی لە سەر هێورکردنەوەی بارودۆخەکە کردەوە.
هەردوولا هاوڕابوون لە سەر ئارام کردنەوەی بارودۆخی عێراق و هاتنەئارای حکوومەتێکی کارا و بەرپرسیار لە بەغدا کە پەیوەندییێکی باشی لە گەڵ هەرێم هەبێت و رێز لە مافە دەستوورییەکانی هەرێمی کوردستان بگرێت.
کۆدی هەواڵنێر: 60113
بۆچوونی بەکارهێنەران