فازڵ میرانی: سەردار سولەیمانی دۆستی عێراق و دۆستی کورد بوو
پوختەی هەواڵ
بەشی عێراق و هەرێمی کوردستان- سکرتێری مەکتەبی سیاسی پارتی دیموکراتی کوردستان بەشداریی لە پرسەی قاسم سولیمانی لە هەولێر کرد و رایگەیاند: هەوڵدەدەین عێراق نەبێتە مەیدانی جەنگی هەرێمی و نێودەوڵەتی.
کوردپرێس: فازڵ میرانی سکرتێری مەکتەبی سیاسی پارتی دیموکراتی کوردستان لەبارەی رۆلی سەردار سولەیمانی رایگەیاند: ئەو دۆستی عێراق و دۆستی کورد بووە لە قۆناغە جیاجیاکان.
ناوبراو راشیگەیاند: "قاسم سولەیمانی رۆلی باشی لە هاوکاری کردنی عێراق و هەرێمی کوردستان لە جەنگی دژ بە داعش هەبووە".
لەبارەی دۆخی عێراقیش سکرتێری مەکتەبی سیاسی پارتی دیموکراتی کوردستان رایگەیاند: حکوومەتی عێراق دەبێت باشتر خوێندنەوە بۆ رەوشەکە بکات و ئاشتبوونەوەی سیاسی لەگەڵ خۆپیشاندەران و لایەنەکان ئەنجام بدات.
سەرچاوە: K24
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران