سووریا هەڕەشەی ئوپەراسیۆنی سەربازی بۆ سەر ئەمریکییەکان دەکات
پوختەی هەواڵ
بەشی سووریا- بوسینە شەعبان ڕاوێژکاری باڵای سەرۆککۆماری سووریا لە لێدوانێکدا هەڕەشەی لە ئەمریکییەکان و ئەنجامدانی ئوپەراسیۆنی سەربازی بۆ هێزەکانی ئەو وڵاتە لە خاکی سووریا کردووە.
کوردپرێس:
بوسینە شەعبان ڕاوێژکاری باڵای بەشار ئەسەد سەرۆککۆماری سووریا لە لێدوانێکدا ئاماژەی بە مەسەلەی پاککردنەوەی خاکی سووریا کردووە و وتوویەتی: "لەبارەی ئەوەی کە خاکی سووریا چ لە تیرۆریستان و چ لە هێزی تورکیا و ئەمریکاش پاک دەکەینەوە گومانمان نیە و ڕژدین لە پاککردنەوەی خاکی سووریا."
بوسینە شەعبان لە وتەکانی خۆیدا باسی وتەکانی دۆناڵد ترەمپی سەرۆکی ئەمریکاشی کردووە کە لەبارەی پاراستنی نەوتی سووریاوە دوابوو.
شەعبان لەو بارەیەوە گوتی: ئەمریکا هیچ عیلاقەی بە سامانی سروشتی و نەوتی سووریاوە نیە. سەرۆکی ئەمریکا کە باسی پاراستنی نەوتی سووریای کردووە لە ڕاستیدا بە مانای دزین و تاڵان کردنی سامانی سووریایە. بۆیە ئەگەر پێویست بکات دژی ئەو هێزە ئەمریکییانەش ئوپەراسیۆنی سەربازی دەکەین کە بە بیانووی پارێزگاری کردن لە نەوتی سووریا لێرە ماونەتەوە.
بۆچوونی بەکارهێنەران