بەپێی هەواڵی کوردپرێس، عەبدوڵڵا ئاکرەیی بەڕێوەبەری گشتیی پەیوەندییەکانی نێوان ھەرێمی کوردستان و كۆمارى ئیسلامیى ئێران به‌ ماڵپه‌ڕى فه‌رمى پارتیی ڕاگەیاندووە: هاووڵاتیانی ھەرێم بەبێ ڤیزا ده‌توانن سەردانی ئێران بکەن‌ و تەنھا لەڕێگەی پاسپۆرتەکەیانەوە دەچنە خاڵە سنووریەکان‌و لەوێ دەرفەتیان پێدەدرێت بۆ ماوەی یەک مانگ لە وڵاتی ئێران بمێننەوە، بێئەوەی پێویستیان بەڤیزا ھەبێت کە ئەمەش ھەنگاوێکی زۆر گرنگە بۆ ھەردوولا".

ئاکرەیی ده‌شڵێت: "لە ئەمڕۆ یەکشەممەوە ھاووڵاتیان دەتوانن لەتەواوی خاڵە سنووریەکانی نێوان ھەرێم‌ و ئێرانه‌وه‌ بەبێ ڤیزا ھاتوچۆ بکەن‌ و ئەو ڕێککەوتنەی کراوە لەنێوان ھەردوولا دەکەوێتە بواری جێبەجێکردنەوە".

ئاکرەیی ئەوەشی وتووه‌، "ئەمە ھەنگاوێکی گرنگە و کارئاسانیەکی باشە و جووڵەی ھاتوچۆش زیاد دەکات‌ و خەڵک زیاتر ھاتوچۆ لەنێوان ھەرێم‌ و ئێران دەکەن، بۆیە ھەموو ھەوڵێک دەدرێت کە بەردەوام کارئاسانی‌ و ھەرچی پێویستە لەخاڵە سنوریەکانی نێوان ھەرێم‌و ئێران بکرێت، بۆیە چیتر پێویست ناکات ھاوڵاتیان بچنە کونسوڵخانە بۆ وەرگرتنی ڤیزاو ڕاستەوخۆ دەچنە خاڵە سنووریەکان‌ و دەچنە ئێران".