مەسروور بارزانی پێشوازی لە بڕیارەکەی پەرلەمانی ئەڵمانیا دەکات
پوختەی هەواڵ
بەشی عێراق و هەرێمی کوردستان- سەرۆکی حکوومەتی هەرێمی کوردستان رایگەیاند، حکوومەتی هەرێم پێشوازی لە بڕیارەکەی پەرلەمانی ئەڵمانیا دەکات بۆ درێژکردنەوەی ئەرکی هێزەکانی ئەڵمانیا لە عێراق و هەرێمی کوردستان بۆ ماوەی ساڵێکی دیکە.
بەپێی هەواڵی کوردپرێس، مەسروور بارزانی، سەرۆک وەزیرانی هەرێمی کوردستان لە هەژماری تایبەتی خۆی لە تویتەر ئاماژەی بەوش کردوە، پێشوازی لە بڕیارەکەی پەرلەمانی ئەڵمانیا دەکات بۆ درێژکردنەوەی ئەرکی هێزەکانی وڵاتەکەی لە هەرێمی کوردستان و عێراق.
ئەوەشی خستوەتەڕوو، حکوومەتی هەرێمی کوردستان بە ئیرادەیەکی هاوبەشەوە لەگەڵ هاوبەشەکانی کار دەکات، بۆ ئەوەی رێگری بکات لەوەی "ستەمکاریی لە ھەرێمەکەماندا رەگ داکوتێت".
بۆچوونی بەکارهێنەران