دوو ئەندامی پەکەکە لە ئاگری کوژران و دوو کەسی دیکەشیان لە مێرسین دەستگیر کران
پوختەی هەواڵ
بەشی تورکیا- وەزارەتی ناوخۆی تورکیا ئیدیعای کرد کە دوو ئەندامی پەکەکە لە ئاگری کوژراون و دوو ئەندامی دیکەشیان لە مێرسین دەستگیرکراون.
بەپێی هەواڵی کوردپرێس، وەزارەتی ناوخۆی تورکیا دوو راگەیاندنی جیاوازی بڵاو کردووەتەوە و ڕایدەگەیەنێت دوو ئەندامی پارتی کرێکارانی کوردستان (پەکەکە) لە ئاگری کوژراون و دوو ئەندامی دیکەی ئەم پارتەش لە مێرسین دەستگیرکراون.
لەم بارەیەوە، وەزیری ناوخۆی تورکیا، سولەیمان سۆیلو، کە لەم ڕۆژانەدا لەلایەن میدیاکانی ئۆپۆزسیۆنەوە ڕەخنەی توندی لێدەگیرێت، لە پەیجی تایبەتی خۆیدا پۆستێکی بڵاوکردەوە و ئیدیعای کرد کە ئەم دوو ئەندامەی پەکەکە لەلایەن موراد قەرەیلانەوە بۆ ئەنجامدانی هەوڵک لە مێرسین ڕاسپێردراون بەڵام لەلایەن هێزەکانی تورکیاوە دەستگیر کراون.
بۆچوونی بەکارهێنەران