ڕووداوێکی بە بارمتە گرتن لە ئیلام 11 کوژراو و برینداری لێکەوتەوە
پوختەی هەواڵ
بەشی ئیلام- ڕووداوی ئەمڕۆی بە بارمتەگتن لە ئیلام 4 کەس کوژران و 7 کەسی دیکەش بریندار بوون.
بەپێی هەواڵی کوردپرێس، کاتژمێر 9 و 25 خولەکی بەیانیی ئەمڕۆ چوارشەممە 28ی گوڵان لە شەقامی پاسدارانی ئیلام، کارمەندێکی پێشووی ئیدارەی موڵک و ماڵی دامەزراوەی موستەزعەفانی ئیلام چەند کارمەند و فەرمانبەری بە بارمتە گرت.
دەستبەجێ پاش ڕووداوەکە هێزەکانی پۆلیس لە شوێنەکەدا ئامادە بوون.
پاش چەند چرکەیەک دەنگی تەقە کردن بەرز بوویەوە و هێرشبەرەکە بە چەکی کڵاشنیکۆف کارمەندەکانی دایەبەر دەستڕێژی گوللە و پاشان تەقەی لە خۆی کرد.
دوو خانم و پیاوێک و هێرشبەرەکەیش لەم ڕووداوەدا کوژران و 7 برینداریش بۆ نەخۆشخانەی ئیمام خومەینیی شاری ئیلام گواسترانەوە و باری تەندروستیی ژمارەیەکیان ناجێگیرە.
بۆچوونی بەکارهێنەران