بەپێی هەواڵی کوردپرێس، سه‌رۆكایه‌تی كۆماری توركیا له‌ ڕاگه‌یه‌ندراوێكدا بڵاویكرده‌وه‌، ئه‌مڕۆ ره‌جه‌ب ته‌یب ئه‌ردۆغان په‌یوه‌ندیه‌كی ته‌له‌فۆنی له‌گه‌ڵ ڤلادیمێر پووتین ئه‌نجامدا و رایگه‌یاند، ئاماده‌یی توركیامان ده‌ربڕیوه‌ بۆ رێكخستنی كۆبوونه‌وه‌ی نێوان پوتین و زلێنیسكی به‌مه‌به‌ستی گفتوگۆكردن له‌باره‌ی كێشه‌ و قه‌یرانه‌كان".

هه‌ر به‌گوێره‌ی راگه‌یه‌ندراوه‌كه‌، ئه‌ردۆغان به‌ پووتینی راگه‌یاندووه‌، به‌ ئاگربه‌ستێكی هه‌میشه‌یی له‌ ئۆكرانیا ده‌توانێت ببێته‌ هۆی چاره‌سه‌رێكی درێژخایه‌نی كێشه‌ و قه‌یرانه‌كان.

ئه‌ردۆغان جه‌ختیشیكرده‌وه‌، "پێویسته‌ ڕه‌چاوی بارودۆخی مرۆیی ئۆكرانیا بكرێت و ڕێڕه‌وه‌ مرۆییه‌كان به‌ دوو ئاراسته‌ چالاك بكرێن".
پێشتریش، سه‌رۆكی ڕووسیا رایگه‌یاندبوو، وڵاته‌كه‌ی چۆك بۆ فشاری ڕۆژئاوا دانادات و له‌ ئۆپه‌راسیۆنه‌ سه‌ربازییه‌ تایبه‌ته‌كه‌ی بۆ پاراستنی دۆنباس به‌رده‌وام ده‌بێت تاوه‌كوو به‌ته‌واوی كیێڤ كۆنتڕۆڵ ده‌كات.