بەپێی هەواڵی کوردپرێس، نووسینگه‌ی سه‌رۆكایه‌تی كۆماری توركیا له ‌راگه‌یه‌ندراوێكدا بڵاویكرده‌وه‌، رۆژی یه‌كشه‌ممه‌ ره‌جه‌ب ته‌یب ئه‌ردۆغان و ڤلادیمێر پووتین په‌یوه‌ندی ته‌له‌فۆنیان ئه‌نجامداوه‌ و هێرشی رووسیا بۆ سەر ئۆکرانیا تاوتوێ کراوه‌ و هەڵسەنگاندن بۆ پەیوەندییەکانی تورکیا-رووسیا کرا.

ئەردۆغان ئاماژەی بەوەکردووه‌، کە ئاگربەستێکی بەپەلە دەرفەت دەڕەخسێنێت بۆ رەواندنەوەی نیگەرانییە مرۆییەکانی ناوچەکە و هەوڵەکانی چارەسەری سیاسی و رایشگەیاند: ''با هەموو بەیەکەوە رێگای ئاشتیی بکەینەوە''.

ناوبراو هاوکات جەختی لەسەر گرنگیی هەنگاونانی بەپەلە کردەوە بۆ واژۆکردنی رێککەوتنێکی ئاشتیی کە دەستەبەری ئاگربەست بکات و رێڕەوی مرۆیی بکاتەوە.

ئه‌ردۆغان باسیشی له‌وه‌كردووه‌: "داگیرکارییەکی رووسیا لە ئۆکرانیا جێی قبووڵکردن نیە، بەڵام لە هەمان کاتیشدا دژایەتی سزاکانی رۆژئاوای کردوە بۆ سەر مۆسکۆ".

ئه‌ردۆگان به‌ پوتینی راگه‌یاندووه‌، "ساویلکەییە ئەگەر پێت وابێت گفتوگۆکانی نێوان رووسیا و ئۆکرانیا بەرەوپێشچون بەخۆیانەوە دەبینن لەکاتێکدا ئەگەر شەڕەکە بەردەوام بێت".