گەلۆ عیسا، ئەندامی لیژنەی ناوەندیی پارتی دیموکراتی کورد لە سووریا (P.D.K.S) لە گفتوگۆ لەگەڵ کوردپرێسدا لەبارەی کاریگەریی ڕووداوەکانی ئۆکراینا لەسەر پەیوەندییەکانی تورکیا و ڕووسیا و مەترسییەکانی بۆ کوردستانی سووریا، وتی: ئەگەر تورکیا لەسەر داخستنی دەریای ڕەش بەڕووی کەشتییە ڕووسییەکاندا لەگەڵ مۆسکۆ مامەڵەیێک نەکات شەڕی ئۆکراینا کاریگەریی ڕاستەوخۆی لەسەر کوردستان نابێت.

ناوبراو درێژەی دا ئەگەر شەرەکەی ئۆکراینا ببێتە شەڕێکی درێژخایەن و ناکۆکییەکای نێوان ئەمریکا و ڕووسیا زیاتر ببێتەوە، دۆزینەوەی ڕێگاچارەی سیاسیی بۆ سووریاش دوا دەکەوێت.

ئەندامەکەی لیژنەی ناوەندیی پارتی دیموکراتی کورد لە سووریا (P.D.K.S) ڕاشیگەیاند: دۆخی وڵاتی سووریا نە لەدەستی گەلی سووریایە نەک لە دەستی حکوومەتی سووریا بەڵکوو زلهێزەکان لەوان ئەمریکا و ڕووسیا بڕیار لەبارەی سووریاوە دەدەن.