ڤیان سەبری: ڕێبەر ئەحمەد ئێستاش کاندیدی پارتیە بۆ پۆستی سەرۆک کۆماری عێراق
پوختەی هەواڵ
بەشی عێراق و هەرێمی کوردستان- سەرۆکى فراکسیۆنى پارتى لە پەرلەمانى عێراق رایگەیاند، رێز لە بڕیارەکەى دادگاى فیدراڵى دەگرن لەبارەى خۆپاڵاوتن بۆ پۆستى سەرۆک کۆمار و کاندیدەکەیان ناگۆڕن.
بەپێی هەواڵی کوردپرێس، ڤیان سەبرى لە چاوپێکەوتنێکى تەلەفزیۆنیدا ئاماژەى بەوەکرد، کردنەوەى دووبارەى دەرگاى خۆپاڵاوتن بەبڕیارى پەرلەمان بەدەنگى زۆرینەى سادە 83-84 پەرلەمانتار یەکلایی دەکرێتەوە.
ناوبراو وتیشى دواى کردنەوەى دووبارەى دەرگاى خۆپاڵاوتن، جارێکى تر رێبەر ئەحمەد کاندیدەکەنەوە بۆ پۆستى سەرۆک کۆمار و نایگۆڕن، هاوپەیمانى سێ قۆڵیش یەک دەنگە لەبارەى پرسەکان.
دادگای فیدڕاڵی لە 2022/3/1دا بڕیاری دا بەوەی دووبارە کردنەوەی دەرگای خۆپاڵاوتن مافی سەرجەم پەرلەمانتارانە نەک تەنها سەرۆکایەتی پەرلەمان.
بۆچوونی بەکارهێنەران