عەبدولڕەحمان ئاپۆ ئەندامی لیژنەی ناوەندیی پارتی دیموکراتی کوردستانی سووریا PDK.S)) لە گفتوگۆ لەگەڵ کوردپرێسدا ئاماژەی دابە ڕووداوەکانی گرتووخانەی حەسەکە و وتی: سووریا و بە تایبەت کوردستان بە بارودۆخێکی زۆر هەستیار و خراپێکدان و پرسی کێشەخولقێنی زۆر لە ئارادایە.

ناوبراو درێژەی دا: هێز و دەسەڵاتە سیاسی و سەربازییەکان لە سووریا ئاشکرا نین و 80لەسەدی خەڵک ئاوارە بوون و کۆچیان کردووە و دەسەڵاتەکانی دیکە لە سووریا لەژێر کاریگەریی ئەمریکا و ڕووسیا و تورکیا و ئێراندان.

ناوبراو وتیشی: ڕووداوەکەی گرتووخانەی سناعە لە حەسەکە ئەنجامی ئەم بێ نەزمی و ئاڵۆزیەیە کە بوونی هەیە و ئەم ڕووداوانە لە دەرەوەی خاکی کوردستانی سووریا بەرنامەڕێژییان بۆ دەکرێت و مۆڵەت نادات گەلی ئێنە لە عەفرینەوە تا دیرک لە ئاسایهدا بن.

عەبدولڕەحمان ئاپۆ ئەندامی لیژنەی ناوەندیی پارتی دیموکراتی کوردستانی سووریا PDK.S) ) ئاشکراشی کرد: ئەم ڕووداوە چ لەڕێگای دەستدرێژییەکانی تورکیاوە بێت و چ تیرۆریستانی داعش یان وڵاتانی ناوچەکە هەموو لە زیانی خەڵکی کوردە.

ئەندامی لیژنەی ناوەندیی پارتی دیموکراتی کوردستانی سووریا تاکوو بەرژەوەندیی وڵاتانی زلهێز لە سووریا و کوردستانی سووریا دەستەبەر نەبێت کێشەی نێوان ڕەوتە سەرەکییە کوردەکانواتا ئەنەکەسە و پەیەدە درێژەی دەبێت.

عەبدولڕەحمان ئاپۆ دەڵێت بەڕای من ڕووداوەکەی گرتووخانەی حەسەکە چەند ئامانجی بەدواوە بوویەکەم: نائارام کردنی سووریا و کوردستانی سووریا درێژەی پێبدرێت و هێرشەکەی داعش دەریخست کە مەترسیی داعش هێشتا لەسەر ناوچەکەیە.

دووهەم: پرسی حەسەکە دەبێتە بابەتێکی نێونەتەوەیی و باجەکەشی لە دەست دانی گیانەکانە.

سێهەم: کوردستانی سووریا پێی ناوەتەنێو قۆناخێکی نوێ.