ئێران سەرکۆنەی هێرشکردنە سەر فڕۆکەخانەی بەغدا دەکات
پوختەی هەواڵ
بەشی ئێران- وەزارەتی دەرەوەی ئێران سەرکۆنەی هێرشەکەی سەر فڕۆکەخانەی نێودەوڵەتیی بەغدا دەکا.
بەپێی هەواڵی کوردپرێس، ئەمڕۆ شەممە، سەعید خەتیبزادە، گوتەبێژی وەزارەتی دەرەوەی ئێران رایگەیاند، ئێران بەردەوام پاڵپشتی لە ئاسایشی عێراق دەکات و پارێزگاریشی لێدەکات، هەروەها پاڵپشتی لە هەوڵەکانی حکوومەتی وڵاتەکە بۆ پاراستنی ئاسایش، سەقامگیری و یەکپارچەیی دەکات.
خەتیبزادە ئاماژەی بەوەش کرد، ئەو جۆرە کارانە نائارامی لە عێراق بڵاو دەکەنەوە و جێگەی دڵخۆشین بۆ ئەو کەسانەی دەیانەوێت خراپەکاری لە عێراق بڵاو بکەنەوە؛ ئاماژەی بەوەش کرد، ئەو جۆرە هێرشانە کاریگەرییان دەبێت لەسەر ئەو خزمەتگوزارییانەی حکوومەتی عێراق پێشکێشی هاووڵاتییانی دەکات.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران