هێزە عێراقییەکان ئۆپەراسیۆنێکی بەربڵاویان بۆ دەستگیر کردنی سەرکردەکانی داعش دەست پێکرد
پوختەی هەواڵ
بەشی عێراق و هەرێمی کوردستان- دژە تیرۆرى عێراق لە ئۆپەراسیۆنێکی بەربڵاودا چەند ئەندام و سەرکردەی داعشیان دەستگر کرد.
بەپێی هەواڵی کوردپرێس، دژە تیرۆرى عێراق لە تۆڵەى هێرشەکەى عوزێم هێرشیکردە سەر داعش و شەش چەکدارى ئەو رێکخراوەى دەستگیرکرد، کە یەکێکیان سەرکردەیەکى رێکخراوەکەیە و لە هەولێر دەستگیرکراوە.
بەگوێرەی بەیاننامەیەکى دژە تیرۆرى عێراق لەسەر فەرمانى مستەفا کازمى سەرۆک وەزیران و بەسەرپەرشتى عەبدولوەهاب ساعدى فەرماندەى دژە تیرۆر، چەند ئۆپراسیۆنێکیان دژى شانە نوستووەکانى داعش ئەنجامداوە.
ئاماژە بەوەشکراوە، یەکەکانیان لەنەینەوا سێ چەکداریان دەستگیرکردووە، دووانى دیکەش لە بەغدا و کەرکووک دەستگیرکراون.
بەپێی بەیاننامەکە، هەروەها بە هەماهەنگى لەگەڵ ئاسایشى هەرێم، سەرکردەیەکى داعش لەهەولێر دەستگیرکراوە و دواتر وردەکاریی بڵاودەکەنەوە.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران