سەرۆک وەزیرانی عێراق بۆ تاوتوێ کردنی چەند پرسێک گەیشتە نەجەف
پوختەی هەواڵ
بەشی عێراق و هەرێمی کوردستان- سەرۆک وەزیرانی عێراق گەیشتە پارێزگای نەجەف، لەسەردانەکەشیدا بۆ ئەو پارێزگایە بڕیارە دۆسیەی دەستلەکارکێشانەوەی پارێزگار تاوتوێ بکات.
نوسینگەی راگەیاندنی مستەفا کازمی، سەرۆک وەزیرانی عێراق بڵاویکردەوە، دوانیوەڕۆی ئەمڕۆ پێنجشەممە مستەفا کازمی گەیشتە پارێزگای نەجەف.
سەردانەکەی کازمی لەکاتێکدایە، لەچەند رۆژی رابردودا لوئەی یاسری پارێزگاری نەجەف دەستیلەکارکێشایەوە و 4ی ئەم مانگەش کازمی دەستلەکارکێشانەوەکەی پەسەندکرد.
چاوەڕێ دەکرێت لەسەردانەکەی کازمیدا دۆسییەکانی دەستلەکارکێشانەوەی پارێزگار و دۆسیەی گەندەڵی کە بەشێک لە فەرمانگەکانی پێ تۆمەتبار دەکرێت، لەگەڵ بەرپرس و فەرماندە سەربازییەکانی نەجەفدا تاوتوێ بکات.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران