چین ئۆتۆمبێلێکی کارەبایی سەرنجڕاکێش دەخاتە بازاڕە جیهانییەکانەوە
پوختەی هەواڵ
بەشی تەکنەلۆژی- کۆمپانیای Wuling چینی، بە ئۆتۆمبێلێکی نوێ و پەرەپێدراوی کارەبایی دێتە نێو ڕکابەری ئۆتۆمبێلە کارەباییەکان و کۆنتڕۆڵی بازارەکانی جیهانی کردووە.
بەپێی هەواڵی کوردپرێس، ئەم بەرهەمە نوێیەی Wuling ناوی Dongfeng Fengguang Mini EVیە، هەیکەلێکی ناوازە و سەرنجڕاکێشی هەیە کە درێژییەکەی ٢مەترو ٩٩ سانتیممەترە و 1 مەتر و ١مەتر و ٦٤ سانتیم بەرزییەکەیەتی و نێوانی تەگەرەکانی ١ مەتر و ٩٦ سانتیممەترە و تایەکانی ١٢ ئینجن.
ئەم ئۆتۆمبێلە خنجیلە کارەباییە، جێی ٤ سەرنشینی تێداکراوەتەوە و لە خۆگری نوێترین داهێنراوە تەکنەلۆژییەکانی سەردەمە.
کۆمپانیای Wuling ئۆتۆمبێلەکەی بە چەندین تایبەتمەندی بەردەستخستووە لەوانە؛ هەستەوەری ئاگادارکەرەوەی پێش و دوا، کامێرای چاودێری بۆ ئاسانکاری پارک کردن، بزوێنەرێکی کارەبایی دۆستی ژینگە کە توانای ٣٤ئەسپی هەیە.
ئۆتۆمبێلەکە بەردەستە لە بازاڕەکانی جیهاندا و نرخە جیهانییەکەشی لە ٨٠٠٠$ وە دەستپێدەکات.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران