کۆفان کەنعۆ سەرۆکی پارتی ڕۆژی دیموکراتی کورد لە سووریا لە گفتوگۆ لەگەڵ کوردپرێسدا ئاماژەی دا بە هێرشە بەردەوامەکانی تورکیا بۆسەر کۆبانی و ڕایگەیاند: دونیا دەزانێت کە تورکیا حکوومەتێکی خوێنڕێژی هەیە و لەهەر شوێنێک کوردێک ببێت خەساری پێ دەگەیێنێت.

ناوبراو درێژەی دا ئەم هێرشە دڕندانە لە بێدەنگی و خەمساردیی ئەمریکا . ڕووسیادا ئەنجام دەدرێت سەرەڕای ئەوەی کە دوو وڵاتی بەهێزن بەڵام بەپێی بەرژەوەندییەکانیان هەمبەر ئەم دڕندایەتییە بێدەنگن.

کەنعۆ زیادی کرد: بێدەنگییەکەی ئەمریکا و ڕووسیا زەمینە بۆ هێرشەکانی تورکیا فەراهەم دەکات و ئەو وڵاتە هان دەدات بۆ دەستدرێژیی زیاتر.

سەرۆکی پارتی ڕۆژی دیموکراتی کورد لە سووریا ئاشکراشی کرد: ئەمریکییەکان و ڕووسەکان بە ژەنراڵ کۆبانییان وتووە کە هیچ زانییاریێکیان لەبارەی هێرشەکانی تورکیا بۆسەر باکووری سووریا بەدەستەوە نییە.

کۆفان کەنعۆ وەبیری هێنایەوە: لە هەموو لایێکەوە پەیوەندیی کوردستانی سووریایا بەسەر جیهاندا پچڕاندووە و پێویستە کوردەکان یەکگرتوو بن و مۆڵەت بەم کارە نەدەن.

ترجمه: بهروز علیمحمدی